新紥咪神郭珮文派福利大晒峇里三點式噴血靚相

逢星期日播出嘅《福祿壽訓練學院》見到郭珮文 (Julianna)呢位「扮工室助理」豁出去扮嘢，噚晚一集雖然扮嘅係Miss著得相當密實，但係都難掩佢嘅好身材。雖然Juliana呢排忙於錄影節目，但係佢都不忘忙裡偷閑，除咗抽時間去健身打造最強Body之外，早前佢仲去咗旅行充電喇。

於《福祿壽訓練學院》負責扮工室助理嘅Juliana相當密實不過社交平台就大派福利，Post咗一輯噴血靚相

飛去峇里享受陽光與海灘嘅Julianna都不忘喺網上派福利，貼出多張池邊三點式照，無論正面定背面都相當有睇頭，估計佢付出唔少努力做Gym，有別於之前拍攝《福祿壽訓練學院》扮演獎座時有小肚腩，相中嘅Julianna回復巔峰身形，呢輯相唔知係咪算係「復仇作」呢？而同屆港姐潘明璇(Michelle)亦留言話要求相片鳴謝，唔知兩位係咪結伴出遊，呢輯噴血寫真可能就係由佢負責操刀拍攝喇。