Gigi露腰與200Gi炎粉宣傳新歌 返鄉小休受大雨影響變落湯雞

炎明熹 呢日以及一身黑色露腰打扮，冒雨同歌迷一齊聚會，為新歌《還有一艘救生艙》宣傳，同逾200名 Gi炎粉 喺巴士廣告前合照留念，場面非常熱鬧。Gigi仲話呢日心情激動、緊張又開心，仲話落雨天都有咁多Fans支持，自己非常感激呀。

繼上次演唱會受颱風影響而要改期，呢次宣傳又落雨，被稱為暴風女神嘅佢真係可以話名副其實，原來早前Gigi返汕尾探家人時都一樣遇到壞天氣，搞到三日兩夜行程都受到唔少影響呀。

新歌MV中被男友背叛，原來拍攝時佢都非常緊張，佢就話多得導演同工作人員嘅鋪排先可以令自己可以咁投入拍攝咋。