軒公馬場任表演嘉賓落注求好運 為歌迷會事務學工商管理高層都唔理

張敬軒 呢日為賽馬日擔任表演嘉賓，仲一口氣唱足3首歌，為現場馬迷助威。軒公仲話一早已經落注祈求好運，長褲略單薄變成有透視效果嘅佢，被問起時仲搞笑反問傳媒見唔見到自己嘅催旺運氣紅色底底喎。

對馬非常有興趣嘅佢，過往就曾到騎術學校學習騎馬，而一次菲律賓出差嘅策騎體驗，就令佢有非常深刻嘅回憶，隔日上台唱歌爭啲連行都行唔到呀。

對每樣有興趣事物都深入研究嘅佢，為咗好好打理歌迷會事務，早前就開始修讀一個工商管理課程，希望以後會務都可以處理得更好，所以近日忙到就連唱片公司高層訊息都唔得閒覆呀。