JW加入《仙樂飄飄處處聞》香港演出 旅行途中收劇本日刨夜又刨

JW 即將跨界演出舞台劇，成為一個國際知名音樂劇嘅演員之一，5月就會首次演出嘅佢，近日就潛心投入排練同準備，呢日佢講起成為一員心情都非常興奮呀。JW話呢部知名劇作大家都耳熟能詳，雖然離自己首演仲有幾個星期，不過緊張心情就一早已經開始升溫喇。

佢仲話收到劇本時自己正身處外地旅行，不過已經急不及待日日讀熟劇本，扮演女伯爵Elsa一角嘅佢，今次會喺劇作65周年嘅日子參與，加上其他演員嘅經驗都超級豐富，難怪會令佢如臨大敵一樣喇。

啱啱同家人一齊同遊澳洲返港嘅佢，對呢次充電之旅就覺得非常滿足，不過就因為即將要參演舞台劇，所以期間一直要忍口未能開懷大啖美食喇。早前成為業主而茶飲店生意又不俗，可以話樣樣都順利，呢日佢仲話有計畫再開新分店呀。