早D知早D醫｜ 陳欣健全天候照顧認知障礙太太 陳寶雄恢復視力憑歌寄意感動觀眾

由 洪永城 宋宛穎 何沛珈同 魏韵芝 擔任主持嘅健康資訊節目《早D知早D醫》，今晚播出第5集，邀請咗《中年好聲音2》參賽者 陳寶雄 分享患糖尿病視網膜病變(俗稱糖尿上眼)嘅心路歷程。陳寶雄喺2001年確診患二型糖尿病，短時間暴瘦近20磅，近年病情嚴重至糖尿上眼，佢自揭不但有食宵夜習慣，更會邊煲劇邊食一整盒家庭裝雪糕，更嚴重係一日飲足7罐可樂，當時病徵十分明顯，包括食慾大增食唔飽，及小便頻率高至每5分鐘如廁一次。

陳寶雄分享當年糖尿上眼嘅病情時難掩傷感

陳寶雄4年前右眼開始視力模糊、幾近失明，直到去年參加《中聲2》海選時，左眼亦僅剩下幾成視力，佢感謝太太Fanny義無反顧地照顧及鼓勵佢勇敢追夢，陳寶雄哽咽說：「比賽第一回合出街後，林順潮醫生搭住我膊頭講『陳寶雄，你值得睇更多嘅嘢，你隻眼仲有感光，可以有機會好番』，嗰時諗住自己會失明，佢同我講完我覺得好有希望。」陳寶雄透露目前視力已痊愈得七七八八，並藉此向太太發表愛的宣言：「一直以嚟佢無條件扶我上台、落台，所以我同佢講當我對眼完全好番嘅時候，我都會扶番你去每個地方，只要你想去邊都一定同你去。」他還以自身經歷為靈感，作曲兼填詞創作歌曲《眼睛反映眼睛》，並於節目中即場獻唱，感動得主持魏韵芝眼濕濕！

幾近失明嘅呢日佢更公開感謝太太一直扶持同照顧

而喺5月1日播出嘅第6集，「愛妻號」 陳欣健 會分享照顧患認知障礙症太太張蓉蓉(藝名尤情)嘅經歷同感受。張蓉蓉係60年代邵氏女星，陳欣健指太太曾離家出走及忘記關爐頭，又試過瞓到半夜突然走到客廳將所有相簿拎出來，但卻不知道自己在做甚麼。他坦承要24小時貼身照顧患病太太，的確好困難。除了患者本人，仲要照顧患者身邊人嘅感受，並透露女兒們得知媽媽不認得自己後受到好大打擊，所以佢仲要擔當「心理輔導」去緩衝角色。為博紅顏一笑，陳欣健更不時陪太太打麻雀，又會播放懷舊金曲：「有幾秒鐘睇得出佢真係開心，已經帶畀我好多安慰。」

陳欣健亦於節目中分享照顧認舍障礙太太嘅感受Philp照顧太太用盡唔同方法

《早D知早D醫》，逢星期一至三晚22:30 翡翠台