顏國樑癌症復發遊走鬼門關 霍潔貞分享為丈夫續命經過

顏國樑 兩年前不幸患上鱗狀細胞癌，一直樂觀接受治療，近日終於完成所有療程，呢日更同闊別螢幕30年嘅太太 霍潔貞 ，罕有合體現身 梁思浩 主持既節目《直播靈接觸》做嘉賓。顏國樑談及今年年初因為癌症復發，昏迷留院半個月嘅經歷，當時半隻腳踏入鬼門關徘徊生死邊緣，幸好太太四出尋求方法為佢續命，去到濟公廟誠心祈福，先令佢可以來回地獄又拆返人間。

顏國樑經歷生死一劫後感激太太：「之前幾十年我照顧佢，今時今日因果循環，少年夫妻，老來伴，大家照顧大家。」顏國樑表示喺15日嘅昏迷期間，曾經有唔少奇怪片段浮現，至今仍然歷歷在目：「 到時到候就有兩個醫務助理嚟捉我走，我唔畀佢捉，我感覺到唔係善意，因為帶住氧氣罩有少少移咗位，佢唔係嚟幫你移番正，當你整返好時佢哋又出現，想拉我唔知去邊，後來轉咗病房就冇事。」

幸好喺抗癌路上，顏國樑一直有太太照顧同支持，經過鱗狀癌腫瘤切除手術後，電療療程完結，見佢精神狀態唔錯，明顯比之前更加飽滿，顏國樑話目己胃口唔錯，只係有啲攰，同埋聲線未完全回復，已經無食任何治療葯物，但有進食營養品。

雖然經歷一場大病，喺鬼門途過一劫，但顏國樑對死亡似乎唔太恐懼，仲好樂觀話：「邊個人會唔死，好人、壞人都要死，我71歲，只係排緊隊，係人生過程，最緊要活在當下同開心，唔好死得辛苦，人一出世開始就係等死架啦。」