蔡卓妍着性感晚禮服現身時裝騷 引閨蜜容祖兒嬲豬留言嗌絕交

蔡卓妍 阿Sa 日前去咗紐約睇一個時裝品牌嘅秋冬季時裝騷，着上黑色露腰背晚禮服現身嘅佢，同都係嚟睇時裝騷嘅高圓圓、郭晶晶一齊影咗唔少靚相。
阿Sa與高圓圓受邀出席時裝騷。高圓圓、郭晶晶、蔡卓妍。
阿Sa 將呢堆靚相post咗上網同大家分享，點知就引嚟好姊妹容祖兒嬲嬲豬留言話要絕交，原因竟然係因為阿Sa太靚，當大家以為阿Sa會好好咁氹返對方，點知阿Sa竟然留言回覆祖兒話：「我夠想同你絕交囉😖」網民睇到呢對閨蜜隔空鬥嘴，都覺得佢哋嘅相處非常有趣。

呢對閨蜜嘅隔空對話相當搞笑。阿Sa趁空檔影咗唔少靚相。阿Sa將呢批靚相post咗喺社交平台。Fit到爆呀！