美食新聞報道丨黃嘉雯廖慧儀嘗熱話美食 失意總廚憑米芝蓮湯底翻身

黃婉曼同倪嘉雯擔任主持嘅《美食新聞報道》，2號晚一集先派出「美女試食員」廖慧儀試食城中熱賣嘅魚生燒賣。Jessica話顧名思義燒賣餡料都係魚生做成︰「店有10幾款口味，薄薄嘅燒賣皮係用有機大豆做。」Jessica先後試咗三款招牌燒賣，分別係︰蟹三味、藍鰭吞拿魚蓉、明太子魷魚，食後讚不絕口。
黃婉曼同倪嘉雯為節目《美食新聞報道》擔任主持。
下一站黃嘉雯打算挑戰近日網絡流傳嘅一口片皮鴨食法，嗜食皮嘅Carmaney笑言今次有「打大佬」感覺。佢先用傳統食法，放齊配料醬汁分幾口食了一件片皮鴨，接住輪到戲肉，見佢左手拎住一塊餅皮，右手將配料沾齊醬汁，然後連皮帶餡料放入口中︰「一啖食晒好有風味，建議一家人食時一齊做，好有儀式感。」
黃嘉雯挑戰一口片皮鴨食法。
今集「故事味緣米線」主角係曾任職五星級酒店嘅興哥，顛峰時期擔任大型銀行中菜廳總廚，憑自創嘅湯底贏過米芝蓮殊榮。可惜好景不常，疫情下興哥失業，於是創業搞米線︰「嗰時心情跌落谷底，行出去都唔係咁易搵到嘢做。有日行過天后見到有吉舖合適，所以決定自已開米線店。」當年獲獎嘅米芝蓮湯底，成就興哥翻身，當然背後仲要有興嫂呢位賢內助。興哥米線店其門如市且年中無休，佢笑言要養小朋友，但對食物依然有好高要求︰「舖頭有個牌寫住『碗中鮮』，就係希望每位客人都食到鮮味。用心做好每碗米線，首先係過到自己一關。」

《美食新聞報道》逢星期四 21:35 及 星期五 21:30 TVB Plus（82台）播映

Jessica先後試食三款招牌燒賣。Jessica食後讚不絕口。明太子魷魚、蟹三味、藍鰭吞拿魚蓉。