香港婚後事｜黎諾懿率主持大膽探討約炮話題 張振朗思想開放 自爆曾玩網戀

綜藝節目《香港婚後事》由劇集《婚後事》四位主角陳自瑤（Yoyo）、賴慰玲（Winki）、黎諾懿及羅天宇，主持嘅綜藝節目《香港婚後事》喺5月2日播出第三集，邀請到張振朗同朱敏瀚擔任嘉賓，大膽暢談對「約炮新世代」、婚姻觀同家庭觀睇法。
《香港婚後事》請嚟張振朗同朱敏瀚擔任嘉賓。
振朗同朱仔因合作《反黑路人甲》而同Winki結緣，為答謝好友一口答應擔任節目嘉賓，作為「無飯主婦」嘅Winki同Yoyo仲親自準備shabu shabu招待兩位「牛魔王」，六人邊吃邊開「研討會」，鬥坦白嘅同時仲鬥互窒。六人之中，振朗、朱仔及天宇均尚未成家，振朗同朱仔對婚姻觀相當類近，表示每次拍拖均會以結婚為前提，又不約而同認為要有經濟基礎才可成家。
佢哋今集傾「約砲」呢個話題。
不過振朗回應結婚話題時，一再強調 「錢唔係最大嘅問題」，期間驚爆一句：「講有錢要問番黎總先得！」Yoyo見狀即連環攻擊黎總：「你幾歲結婚？」、「我唔知你嗰時有冇依家咁有錢」，嚇得振朗急急補鑊：「我哋唔好再喺黎總面前講錢！」雖然成為被玩對象，但諾懿仍大方回應同太太李潔瑩「女尊男卑」嘅問題：「嗰時以我嘅能力，要追趕我太太係冇可能嘅事。但嗰時真係鍾意…」之後諾懿一本正經分享如何以一招贏得太太信任，內容真摯感人。而現年36歲嘅天宇則坦言心急結婚：「40歲都係大嘅年紀，都急嘅。」
振朗話ready好結婚。
六人還圍繞了《婚後事》其中一個核心思想「約炮世代，性愛分開」進行討論，振朗自爆中學時曾透過聊天室約異性出街，更勁老土以「紅玫瑰」做相認記認：「嗰時主要都係傾偈，傾傾吓就會試吓約出嚟，但因為嗰時好細個，咪約幾個Friend一齊，講話著咩色衫，咬住支紅玫瑰做記認咁。」振朗又指由於當年科技未夠發達，聊天室不設頭像，有好大想像空間。思想開明嘅振朗又認為「約炮」並非「不良好事情」：「男未婚女未嫁，試多幾個有咩問題？約炮只係一個名，點都有愛意喺入面。」
朱仔被問到「會唔會揀賴慰玲做老婆」。
今集繼續有情境題Q&A，包括「會否接受『多人運動』」及「約炮發生在仔女身上，作為父母可接受？」不同問題，不過最搞笑係諾懿問振朗同朱仔「會唔會揀賴慰玲做老婆」，結果兩人異口同聲釋出嫌棄，朱仔更幻想到二人喺教小朋友方面好大分歧：「我試過同埋佢個仔一齊坐地鐵，佢個仔喺度郁嚟郁去，當然好乖冇搞到其他人，我就心諗如果呢個係我個仔，我一定會叫佢坐低。」振朗聞言即勁搞笑話：「估唔到朱仔已經諗到咁遙遠，完全冇呢個幻想嘅餘地，我同佢賴慰玲太friend，冇諗過，我有啲想嘔。」想親眼直擊六人七嘴八舌一刻，密切留意節目！

《香港婚後事》逢星期四、五 22:30 翡翠台播映。

振朗話自己同賴慰玲太friend。