黎明相隔一年再踏澳門舞台 獻唱膾炙人口情歌冧爆明迷

相隔一年，黎明再踏澳門舞台，展開為期兩個月，一連10場演唱會，Leon喺全場爆滿觀眾嘅歡呼聲中，以《如果這是情》揭開序幕，其後Leon為歌迷送上《對不起，我愛你》、《兩個人的煙火》及《願你今夜別離去》等多首膾炙人口情歌。

喺快歌環節，Leon盡展一貫風範駕馭舞台，一邊獻唱連串派對歌曲，一邊穿梭喺舞台同舞蹈團隊，配上身後舞台效果，炒熱全場氣氛。歌迷更隨住音樂大合唱，黎明最後以《我的親愛》及新歌《人生遊戲》，為首場演唱會畫上句號。Leon話好鍾意舞台設計，可以令佢同歌迷朋友更近距離互動接觸，佢非常期待嚟梗之後同歌迷共渡9個難忘的晚上。