區瑞強開慈善騷送歡樂 吳大強自爆追女仔技倆

區瑞強月尾將會舉行兩場慈善演唱會，為咗降底成本，佢搵嚟仔仔Adrian區昕進擔任監製同表演嘉賓，而另一位表演嘉賓吳大強亦唔收任何歌酬，盡展善心。

Albert為咗稟承演唱會帶歡樂畀大家嘅主題，兩晚近九成半嘅票價係接近睇一套電影嘅價錢，當中再將部份門票透過非牟利機構轉贈邀請人免費欣賞，餘下半成門票列為VIP門票，就由Albert朋友鼎力支持。

Albert同Bill哥哥預告騷上會獻唱四至五十首歌，當中英文歌單交由Bill哥哥負責，Bill哥哥話揀選咗十幾首英文歌，但係仲要精選，包括有英文民歌，Albert望住拎起結他嘅Bill哥哥話：「我都係今日先知佢識彈結他。」食咗誠實豆沙包嘅Bill哥哥話：「當年唔識彈結他，追唔到女仔。」

Bill哥哥同Adrian喺慈善節目合作過，Albert話原來當日係佢負責唱，但不幸確診，要囝囝代父從軍上陣。