福祿壽訓練學院丨《古域仔》北上VS留港消費 郭浩皇「造型殺」成桶綠油塗上身

香港首個扮嘢真人Show《福祿壽訓練學院》本周日播出第五集，餘下兩個回合嘅團戰，將進行「扮嘢電影短片」及「外景扮嘢挑戰」扮嘢挑戰對決，「短片對決」由專業評審羅冠蘭及 現場觀眾即場評分，「外景對決」則由被蒙在鼓裏嘅現場觀眾投票定勝負。

由王祖藍帶領嘅Team Luk化身《古域仔》，由學員麥嘉欣、吳兆麟、劉倬昕及王玲飾演細細粒、陳浩南、山雞及大飛等，四人圍繞北上 VS 留港消費為主題，更大派美食搶分；李思捷帶領嘅Team Sau喺短片化身《福祿仇者聯盟》超級英雄，郭浩皇為咗角色要成桶綠油塗上身，化妝整咗兩粒鐘！