陳曉東入行30周年內地辦巡唱 有意邀囡囡彈琴父女同台演出

陳曉東為咗慶祝入行30周年舉行巡迴演唱會，日前佢現身廣州宣布將會首次喺內地辦巡唱，音樂總監伍仲衡亦有現身記招，東東話巡唱其中一大難題就係揀歌，為咗滿足各地歌迷，東東話唔排除唔同地方會有唔同嘅歌單，不過因為想唱嘅歌太多，所以好有可能唔會請嘉賓，不過導演就建議東東可以俾兩個囡囡上台表演彈琴，父女同台既溫馨又話題十足。

東東為咗今次巡唱，除咗努力keep fit，佢仲預告喺舞蹈方面會有新挑戰，佢話雖然自己平時少跳舞，但都想嘗試下依家流行嘅舞蹈，至於服裝方面，佢就話自己怕醜，希望唔好太清涼咁話喎！

至於今次內地巡唱嘅首站由廣州開跑，東東話為咗節省來回溝通嘅時間，由自己親自出馬洽談場地細節，先可以順利促成廣州站嘅演出㗎！