海關戰線|謝霆鋒赴意大利出席全球首映 首任動作拍導特技親身搏

海關戰線|謝霆鋒赴意大利出席全球首映 首任動作拍導特技親身搏

邱禮濤執導、 謝霆鋒 擔任動作指導 同 張學友 等一齊領銜主演嘅新片《海關戰線》,7月初就會正式公映,新片亦獲邀成為第26屆意大利烏甸尼遠東電影節閉幕電影,同時入圍競賽單元。日前導演邱禮濤、編劇 李敏 主角霆鋒就一齊親赴意大利出席影展,同時舉行世界首映禮。
 
霆鋒甫到達就趕赴影展會場,適逢電影節終身成就金桑獎(Golden Mulberry Award)頒獎禮,就喺首映前舉行,殿堂級大導演 張藝謀 親自領獎,霆鋒亦聯同邱禮濤導演同李敏出席盛會,向張藝謀祝賀致意。
 
大批影迷得知霆鋒、邱禮濤同李敏登場,令現場一片哄動,爭相索取簽名,霆鋒亦對大家有求必應。開場前三位亦於台上分享製作感受,邱禮濤導演仲指霆鋒於片中首次擔任動作指導,係佢喺電影界嘅新嘗試。
 
霆鋒對新片未上畫已獲國際影展垂青大感鼓舞,佢話:「好希望將華語電影同世界接軌,今次係好好嘅機會!,今次爆破都係真爆破,由幾層樓跌落嚟都由我親身上陣,我所用嘅都係香港動作電影最傳統方法,希望未來日子重新介紹、激發年輕人明白了解同喜歡呢個行業。如果動作電影冇危險就唔叫動作電影,我覺得呢個係電影行業嘅精髓。

霆鋒此行不惜千里迢迢由上海飛往烏甸尼,更指旅程非常難忘:「由上海出發到烏甸尼差不多要20小時,我們先由上海飛杜拜,停留3個幾鐘,再用6個半鐘頭飛去威尼斯,再喺威尼斯轉機個半鐘飛到烏甸尼。」仲笑言飛到頭暈。

熱門搜尋