方力申曬佐敦高比罕有珍藏 下月首辦巡唱投入準備

方力申 呢日參與一個收藏展，同時身為收藏兼投資者嘅小方，亦有借出自己嘅珍藏參展，其中仲有NBA傳奇球星米高佐敦曾穿著嘅簽名球鞋，佢仲估計應該有數倍升幅，但係同時坦言並非每次投資都有獲利咁話。

除咗波鞋之外，小方亦有帶同其他球星珍藏到場，當中佢覺得最珍貴同鍾意嘅就係已故球星高比拜仁嘅簽名波鞋，佢仲回憶當年有幸同對方同場打波，當時仲帶晒合照到場攞簽名呀。

6月就會展開自己首個巡唱嘅佢，已經開始準備，而歌單亦都已經同製作單位討論中，佢仲話已經開始減肥Keep Fit，希望大家當晚會有一個難忘嘅晚上呀。