胡宇威新挑戰將扒獨木舟往日本 江宏傑離婚官司落幕郎態輕鬆

胡宇威 仲有近日終於解決同 福原愛 之間紛擾嘅 江宏傑 呢日分別現身台北時裝周嘅活動，近日忙住拍攝實境節目嘅胡宇威呢日無論打扮同化妝都非常突出，佢仲指節目即將要拍攝划獨木舟渡海由台灣到日本嘅項目，所以近日佢已經開始嚴格鍛鍊做準備，仲話同老婆 陳庭妮 甚少時間見面，而傳媒朋友非常有興趣嘅生育問題都要暫時先擺低喇。

至於纏繞住幾年仲要訴諸司法嘅江宏傑同福原愛之間嘅問題，早前終於宣佈和平解決，呢日精心打扮現身嘅小傑，亦都提到唔會抗拒小朋友同媽媽聯絡，自己亦唔會對再投入新一段感情排斥咁話。