StarTalk一氣呵成版｜黃婉曼蔡雪瑩出山 黃嘉雯倪嘉雯食勻全港美食

TVB Plus 正式登陸同大家見面，同步亦推出唔料新節目，其中至啱最著重搵食嘅香港人收睇嘅，唔使講就梗係《美食新聞報道》，而由電視台跳出商界曾開設餐廳嘅 黃婉曼 同 蔡雪瑩 兩位前主播，加上 黃嘉雯 倪嘉雯 兩位靚女主持，呢日就接受《StarTalk》同 潘盈慧 分享嚴肅新聞以外嘅搵食樂趣喇。

節目中Icy同Snowy主力重操故業，將各式美味同當中唔同店鋪同老闆嘅小故事為大家詳細報道，而Carmaney同Carmen兩位就負責嘆盡珍饈百味，無論高貴定平民美食，都一一為大家仔細品嘗。

唔少朋友對新聞主播嘅工作同背後都非常有興趣，而Icy同Snowy今次參與綜藝節目，就將過往嘅一思不苟轉換成為輕鬆有趣，仲發現原來唔少人都有好多特別嘅飲食習慣。

幾位女將要拍攝飲食節目，對平時上鏡外貌有極高標準嘅佢哋嚟講，就真係一大難題喇。除咗要用盡腦汁表達美味所在，更要控制每一餐嘅食量，Carmaney仲試過一日食足十幾餐，難怪佢哋都話要日常好好管理身材喇。