大馬女神林明禎2月起反覆生病 急返馬來西亞休息調養身體

大馬女神林明禎兩星期前突然喺社交平台指自己由2月開始就一直反覆咁生病，用盡各種方法都好唔返，由於影響到佢無法以最佳狀態去工作、拍攝，所以明禎趁住假期返咗屋企好好休養。
明禎指自己2月開始反覆生病。林明禎 兩星期前表示要回家鄉休息。
喺屋企唞咗兩個星期嘅明禎，呢日就喺社交平台同大家update一下自己嘅健康狀態，明禎上載多張自己同家人喺餐廳嘅靚相，並喺帖文上表示：「目前身體康復率88%❤️❤️❤️工作暫時全面停止。近日體驗各種疼痛，再次感受健康的美好，祝大家都健康健康健康。」唔少網民睇完都留言叫明禎要好好休息保重身體呀。
林明禎呢日同大家update自己嘅健康狀況。
明禎表示自己身體已經好返88% 。