怪宿宿丨葉靖儀蔡景行泰國猛鬼酒店宿一宵伍韻婷性感體育服闖時鐘酒店

由黃紫恩（Jojo）、馮子亮（Liam）、陳國麟（Doniven）、伍韻婷（Juliana）、葉靖儀（Michelle）、蔡景行（行仔）、陳玟蒽（Jacy）及林桔欣（Jessye）主持嘅全新旅遊節目《怪宿宿》，帶觀眾跳出平時入住星級酒店嘅框框，走訪馬來西亞、日本、荷蘭、比利時等地，尋找與眾不同嘅另類住宿。

今晚（6 日）Michelle 與行仔玩越野車。

5月6日呢集葉靖儀（Michelle）、蔡景行（行仔）嚟到泰國，二人試玩越野車，估唔到嘅係行仔對駕駛一竅不通，正式開車時直撞前車，令坐副駕駛座嘅Michelle有啲難以接受，見行仔對油門嘅掌握係「零」，倒車車速過高，嚇到Michelle連叫咗7聲「慢啲呀」，佢事後形容過程似坐過山車，同時攝影哥哥冒着生命危險記錄過程，意想唔到嘅係Michelle手車同行仔有天壤之別，佢似足女車神上身，喺跟行仔鬥圈速時，更以數秒勝出。

坐行仔車的 Michelle 驚恐、無奈表情不絕。Michelle 連續叫凳 7 次「慢啲呀」，行仔的駕駛技術可想而知。Michelle 原來是女車手一名，過彎技術乾淨俐落。

刺激完畢嚟到驚嚇時段，夜晚佢哋入住芭堤雅一間曾發生命案嘅酒店房間，屍體被藏喺床架內。Michelle一入去就顯得好唔自在，表情既徬徨又忐忑。驚嚇處係要掀起床板，睇當日嘅藏屍位。 Michelle緊閉雙目扶住床褥，行仔負責掀床板。Michelle受訪時表示事前參考過案發圖片，感受特別深，佢猶有餘悸咁話︰「其實一去到酒店，周身都覺得唔舒服、好攰同頭痛，同埋覺得有啲凍，喺泰國咁熱都幾怪。」行仔接受訪問時透露︰「原本諗住男仔陽氣旺盛，所以幫佢（Michelle）頂，後尾我就後悔。」接住行仔爆出驚人一幕指「可能唔止我一個人，有啲奇怪嘢，喺房入邊……」原來攝影師都曾有奇怪遭遇，仲話明明身邊冇人，但就感覺被「推」咗一下，令鏡頭擺動移咗位。

行仔跟 Michelle 跟今晚入住的酒店房間，多年前曾發生恐怖命案。Michelle 鼓起最大勇氣抬起床褥，行仔負責揭起曾經藏屍的床板。Michelle 咬唇顯得徬惶，要捉住行仔的手壯膽。攝影師拍攝時出現兩次不可思議情況。

而5月7日嗰集黃紫恩（Jojo）、林桔欣（Jessye）入住馬來西亞傳統屋酒店及水晶球帳篷，又會玩飛索，驚險刺激。 5月9日一集伍韻婷（Juliana）、陳國麟（Doniven）到日本介紹時鐘酒店，50個主題供客人選擇，同時提供相應服飾做cosplay。佢哋介紹一款體育器材主題房，Juliana換上日系體育服配合，不過佢步出更衣室時，顯得尷尬咁話︰「雖然我係鬼妹仔，都覺得衣不稱身，有啲面紅。」Juliana認同著住制服做運動，的確會更加投入！
星期四晚（9 日）Doniven 跟 Juliana 入住日本時租酒店。日本時租酒店有不同主題房，Juliana 參觀體育器材主題房，所以換上一套運動服配合。明晚（7 日）Jojo 跟 Jessye 入住大馬傳統屋酒店。二人挑戰飛索。Jojo 跟 Jessye 入住水晶球帳篷。