廖碧兒即興加入KHAM跳舞 : 好彩寶刀未老仲跳得

一向熱愛跳舞嘅廖碧兒(Bernice ) 日前「舞」癮大發，路過中環街市睇法國現代舞蹈團KHAM表演，即興加入一齊跳舞，在場不少市民拍手為佢打氣，場面非常熱鬧。

廖碧兒日前路過中環街市睇法國現代舞蹈團KHAM表演，即興加入一齊跳舞。

與法國好有淵源嘅廖碧兒，笑言指好彩寶刀未老仲跳得：「我三歲未識行已鍾意跳舞，上次嚟開幕活動，見到佢哋跳得好開心，大人同小朋友跟住音樂跳舞，所以今次我即興加入，其實我都識少少， 呢種KHAM舞係Modern Dance，冇對與錯嘅，只要你覺得感覺舒服就跟著音樂跳。」

廖碧兒笑言指好彩寶刀未老仲跳得。

廖碧兒指而家做事隨心開心就好，唔用太多包袱，尤其跳舞係令佢減壓嘅好方法。廖碧兒下周去法國出席當地一個釀酒盛宴，並且身在波爾多迎接奧運聖火傳遞，親身見證呢個儀式，被問會否考慮搵一位法國情人，廖碧兒笑言應該學好啲法文先易啲溝通，又指法國男士畀佢印象好有文化。
廖碧兒指而家做事隨心開心就好，唔用太多包袱，尤其跳舞係令佢減壓嘅好方法。