蔡潔暴雨下揸車被水浸圍困喊到豬頭 聞愛車登央視新聞：威過我啊

上周六香港受暴雨影響，多區出現水浸，將軍澳更成重災區，有座駕行至一半因水浸而死火被困喺環保大道，當日前港姐謝嘉怡揸車返TVB，就差啲被困將軍澳，出康城位置外嘅大馬路遇上嚴重水浸，更影到一架白色寶馬死火被積水淹沒，車身浸於積水中，原來車主就係蔡潔。
蔡潔揸車返TVB被困將軍澳，愛車死火被積水淹沒，車身浸於積水中。

蔡潔今日喺IG發文，宣布其白色寶馬已救唔番，宣告小白「光榮退休」：「我會記得開住你到處走嘅日子，多謝你陪住我返工放工，唔開心嘅時候會匿埋係你度聽歌聽幾個鐘，你又車過我好多巨星朋友。」蔡潔笑指其父告知前兩日仲上埋央視新聞，「威過我啊，再見啦，之前的日子感恩有你，那天回到公司已經喊到豬頭咁」。
蔡潔今日喺IG發文，宣布其白色寶馬已救唔番，宣告小白「光榮退休」。

蔡潔回想當日回到公司已忍唔住喊，佢好多謝送上慰問嘅朋友，「大家都好熱心咁睇下有無嘢幫到我，人間有愛……多謝拯救我的消防員哥哥」，蔡潔坦言過咗兩日先回到魂，多咗一種人生經歷，同埋最緊要係大家都平平安安，而劉佩玥、袁偉豪亦留言指最重要係人冇事，而吳若希亦寫道：「太好啦，可以換新車。」
蔡潔回想當日回到公司已忍唔住喊，佢好多謝送上慰問嘅朋友。