湯盈盈真愛錢嘉樂現身《愛‧回家》 「烈火雄心」吳大興破次元壁登場

噚晚播出嘅TVB處境劇《愛‧回家之開心速遞》大玩破次元壁，湯盈盈老公錢嘉樂以《烈火雄心》吳大興嘅姿態登場，故事講到由湯盈盈飾演嘅David負責處理劇中萬人迷「蔥頭」拍廣告，本身唔係「蔥粉」嘅David被迫一系列特訓，要愛上蔥頭，結果有反效果，令廣告要重拍，仲因為批評蒽頭而被蔥粉圍攻，最後蔥頭本尊出馬拆彈。

湯盈盈飾演嘅David負責處理劇中萬人迷「蔥頭」拍廣告。

不過驚喜嘅彩蛋收埋喺劇集最尾1分鐘，David發現自己最愛唔係現任由單立文飾演嘅「熊樹仁」，而係後生版錢嘉樂，劇組更安排錢嘉樂以《烈火雄心》吳大興消防員型仔姿態，喺David嘅幻想畫面中出場。呢次錢嘉樂因為係以特效形式被客串《愛‧回家》，唔少網民希望錢嘉樂可以客串演出。 
David發現自己最愛唔係現任由單立文飾演嘅「熊樹仁」，而係後生版錢嘉樂。本身唔係「蔥粉」嘅David被迫一系列特訓，要愛上蔥頭，結果有反效果，令廣告要重拍。劇組更安排錢嘉樂以《烈火雄心》吳大興消防員型仔姿態，喺David嘅幻想畫面中出場。