馬思唯舉行香港站巡唱 邀台灣Rapper國蛋擔任嘉賓

內地Hip-Hop歌手馬思唯出道十年，更被《紐約時報》譽為中國Hip-Hop界突破性明星代表Higher Brothers的團隊領袖，而佢即將喺5月18日於九龍灣國際展貿中心隆重舉行香港站巡唱，更邀請到好友國蛋擔任表演嘉賓，兩岸兩大Rapper傾力演出！

馬思唯月中將於即將改建嘅九展舉行演出

而呢次巡唱內容更會全面升級，從現場樂隊、視覺及聽覺效果，以及表演項目設計都由馬思唯親自主導，佢亦期待為觀眾帶來全新的視覺聆聽饗宴。而喺香港站之前，馬思唯已經走遍內地12個城市進行巡唱，他笑言目前正好同成個團隊磨合熟悉完畢，到時會為香港聽眾帶來一個全新嘅馬思唯演出。

佢仲邀請老友國蛋擔任嘉賓
 
馬思唯自細對香港鍾愛有加，透過香港電視世界認識呢片土地，坦言唔少印象仍停留在早期香港電影氛圍。無論係香港嘅夜生活定係美食，都係佢非常喜愛嘅事物。而馬思唯亦覺得香港Rapper文化富有包容同多元性，有不少出色嘅音樂人，而且樂迷好投入熱情，令佢好享受喺香港演出
 
至於為馬思唯擔任嘉賓嘅國蛋亦同樣期待呢個騷，因為過去有好多香港樂迷表示希望自己可以喺香港開騷，開心終於可以如願。而國蛋形容馬思唯係一個非常令人值得學習的人，對方唔止是喺音樂上受喜愛，對工作嘅認真態度都好令人佩服。國蛋又表示自己好喜歡LMF，後來亦認識唔少香港Rapper同製作人，每位都嘻哈音樂有自己嘅堅持，而且都很好溝通。