有片|與新何太直播 何伯數臭子女欠款 爆大仔兩頭家走數百幾萬最不孝

《東張西望》捧紅了何生新何太，新何太今日(29日)如期在抖音賬號「千語BB生活錄語」開直播，最多時有過萬人在線觀看，逾13萬人點讚，人氣高企。

何生與新何太同出鏡一小時直播，新何太預告下周一(2月3日)直播帶貨。不過，今次直播重頭戲卻變成何伯力數子女不孝。

直播期間攞出筆記，逐個仔女數幾時向他拿錢欠款。何生先力斥大仔反骨忤逆，爆料大仔是水警，香港和內地有兩頭家。「最唔孝順就係大嗰個，反骨忤逆，攞我百幾萬走，呢頭買車，嗰頭抽籤買樓，抽唔到又唔出聲，自己又袋埋。」何生補充：「大仔攞60萬買樓，搭住我膊頭講：『好多老竇都做唔到好似你咁，一嘢攞60萬。』嗰陣就老竇。」何伯稱，大仔在2016年8月24號，「攞咗我60萬，40萬支票，20萬現金。2016年3月24號，又取咗30萬買車，合共取咗我130幾萬。佢話咬糧畀返100萬我，但佢咬糧我打俾佢，佢話畀返50萬我，但佢唔聽我電話。」他又指二仔裝修公屋時，在2023年取了他35萬，前後借了60多萬。他說:「二嫂同個孫都黑口黑面，唔睬㗎啦！喺西鐵見到打個招呼，都唔睬㗎啦！」又指二仔又換了門鎖，不讓他取回物品。

何生又稱，曾幫大女裝修屋企，大女如今卻稱要同他「攬炒」，何生激動稱:「同佢哋斬晒欖㗎啦！」

何生透露細女仍留有其前妻首飾，「好多金喺細女度，喺夾萬度，係前妻啲首飾，有成十兩金喺度呀！啲錢喺細嗰度鎖住晒啦！」但子女不讓他入屋，「上門撳鐘都唔開門，叫保安趕我走。」

何生在直播時強調，450萬是自己開裝修公司親手賺回來，「根本佢哋冇畀錢養過我」。