環團呼籲端午糭葉洗淨下年再用 網民反諷「去完廁所洗淨張紙巾再用」

昨日是端午節，相信不少市民都會食糭應節。但是大家有沒有想過，包裹美味食物的糭葉，原來是可以重用的呢？

環保團體綠領行動昨日於社交平台發文，先詢問市民有否選擇素糭，指出素糭既可以「食少啲肉健康啲，又可以減少碳排」，建議市民不妨一試。貼文更指，食完糭之後塊竹葉，「其實洗返乾淨吹乾就可以循環再用，下年再包過糉又得，大家可以盡情發揮創意小宇宙」。

貼文一出之後隨即引來網民「洗版式」炮轟，以下節錄一此有趣留言：
「唔該小編一年後用返啲洗乾淨嘅糭葉包糭，再食比我地睇」；
「請你哋先試一次，一個月update一次準備重用嘅糭葉嘅保存狀況，明年端午再用其包了環保糭後再吃下。我才有信心考慮一試」；
「去完廁所啲廁紙都記得曬乾再用呀！」；
「糭葉經過包裹加熱之後會變脆，唔可以再用，只可以當廚餘處理，不如話唔食糭最環保」；
「喂，我好多糭葉，洗返乾淨送去你哋辦公室，你哋下年包糭俾自己食」；
「粽葉蒸完都變黃變軟變爛啦，更唔好講重用生癌嗰啲，放喺度都會發霉下次包都食死人啦，當住我哋面前食二手粽先講啦」；
「你哋個office 、各位成員嘅屋企部冷氣掉咗未？」…

而根據Facebook紀錄，該帖文已於今日早上刪去「下年再包過糉又得」，但仍然有「其實洗返乾淨吹乾就可以循環再用」字眼。