近日，一名男網民以「呢隻碟真係好影響食慾」為題，狠批俗稱「梯碟」的銀色不銹鋼碟。他形容該款碟子是「公屋碟」，直言是公屋住戶才會使用，在碟下面還會墊報紙，十分影響食慾。「明明畀你準備材料備餐用嘅，班人就拎上枱擺食物，見到都唔開胃，好似用狗碟食飯咁。」他又上指用陶瓷碟盛菜才有「儀式感」，相反用鐵碟，會想全部掉垃圾桶或餵狗。
網民反應兩極，有人認同梯碟並非「上枱用」，亦會令原本美味的食物失色不少，「我畀我隻狗食就係用呢種碟」、「真係，會將明明好好食嘅嘢，變到完全冇令人想食佢嘅感覺，擺條斑（石斑魚）上去都係咁話」；但有網民就大讚梯碟，形容是煮食必備，「樓上全部都冇煮過飯？呢隻碟夠薄，用嚟蒸嘢快熟同易管時間，下下用隻好靚嘅瓷碟，次次唔同花紋、唔同厚薄，請問要點計時蒸」、「未識煮飯時，都覺得呢隻碟好樣衰，學識煮飯後，先發覺原來係神器。」