近日有於HKU SPACE（香港大學專業進修學院）畢業的打工仔投稿至facebook專頁「奴工處」，指「去見工個HR話我CV寫咗喺HKU畢業，佢話見我張CERT係HKU SPACE，要我填見工表格時要填返HKU SPACE。」投稿人反問「乜佢身為HR唔知SPACE都係HKU一部分？定係睇我唔起呀？」
網民揶揄，「哈爾濱佛教大學畢業也不能簡寫哈佛畢業」、「牛頭角津貼小學」；更有網民批評，「你睇唔起SPACE姐」、「自己睇唔起自己咋下」。另有網民細心分析「HR只係叫你寫番清楚就等於睇唔起，你係咪諗太多？ 同埋，你點解唔想寫清楚？ 故意？ 點解？自己都睇唔起HKU SPACE? 究竟邊個諗太多」、「HKU SPACE畢業不可恥，千方百計隱瞞自己響邊度畢業，咁做係無恥。」