林村河站再就業 網民：香港人應該知，由幾千億盈餘變千幾億赤字係點嚟

早前《東張+》報道過，僅營業一個月的烏蠅頭列車車廂造型的避雨亭，因加裝環保設施，包括太陽能照明、通風系統、滅蚊燈而被迫停業。近日，有大埔街坊發文，以「呢個位又開幕喇」為題，指歷時三星期的工程終完成。

網民狠批再度就業的避雨亭，「整埋冷氣呀笨」、「太陽能板上高枝掃把都未收，咁兒嬉既」、「個官唔冼自己比錢，就算3百萬濕淬(碎)，今日起，明天爛又如何」、「製做就業機會，好事」、「成功爭取海濱長廊加多舊魚」、「不停輪迴咁玩，幾十萬幾十萬」。