一名住在大埔富蝶邨的樓主在網上曾發文指「樓上唔知邊家人成日都倒啲湯渣落嚟，咁同保安講咗，貼咗通告出嚟佢都係照倒，已經半年啦，想問吓呢個問題應該點樣去解決呢？」。於昨日（22日）事情終於有進展，樓主上載短片，見到懷疑湯渣從天降一刻，並指「琴日（21日）我終於影到佢到啲嘢飲落嚟......幫我睇一睇係幾多樓倒嘢落嚟，呢啲人呢，唔捉佢真係唔得㗎啦，而家嚴重影響到我哋樓下廚房窗都唔敢開。」
網民苦中作樂，笑說「睇樣，似粉葛煲赤小豆豬骨」、「紅豆沙？」，並指「勁，半年都忍到，換著我一早上去爆粗。」亦有網友都熱心幫教路：「直接聯絡房屋處搵主任先有用架」、「打電話1823或者去管理處投訴」、「用電話拍上去看一下邊層還有滴漏，容易猜測再上一層」、「如果是你上一層，上面就唔會滴（如果再上，就會繼續有可能）」、「一定要拍片俾主任睇 （你見佢倒咗之後 ，即刻要通知保安去外牆望上去，好似佢哋捉冷氣機滴水咁 」。
樓主前日終於拍攝到湯從天降一刻，網民都金睛火眼幫手緝兇，「有冇留意到啲影，係由高處落嚟 ，似起碼你單位四、五層以上 （有冇留意影子係跟住落） 」、「伸出啲鏡頭 ， 再望吓邊戶有打開窗 ，你上邊嗰個就冇打開 」、「係睇到落嗰陣時，上邊啲影子係跟著落，上邊有一戶都開晒窗」