社交平台今日流傳一張天價賬單的圖片，引起網民熱議。圖中顯示，有食客昨晚7時許展示一張於荃灣一間中菜館的結賬單，共八樣菜加飲品等，埋單逾103萬元。當中兩隻澳洲龍蝦，索價高達936,936元，整張單加上10%服務費，最後埋單超過103萬元，令人咋舌。
百萬埋單圖片在網上瘋傳引起網民熱議: 「足金龍蝦」、「食一餐都畀得起首期了」、「傾家蕩產都唔夠埋單」、「今個月鋪租又解決了」、「佢食左兩隻唔係澳龍，係食左兩隻恐龍」、「嘩，咁劏客都有」、「一個月做一單生意已足夠」。不過，中菜館解釋指，事件只是有職員印錯單所致，強調每隻龍蝦只收468元。
