有將軍澳街坊在Facebook群組，留言指，「多謝頭先熱心幫忙嘅兩位街坊，多謝你地無私嘅付出，大家素未謀面，都係一齊去診所洗傷口，大家都有傷在身，但你哋都幫我抱住成25kg嘅仔同孭住佢，我真係講十萬句多謝都唔夠」。
港媽指兒子早前意外受傷，右腳甲脫落，因此帶同兒子到將軍澳醫院看急症，包紥後走路回家亦沒有問題。由於需要每日前往診所清洗腳上傷口，出發時兒子仍能從住所步行至診所，但洗傷口後疼痛不已，兒子稱無法走路「一大滴又一大滴嘅眼淚流下…（我知真係好痛嘅）」。
媽媽多番安撫及鼓勵，但兒子始終無法行走。她曾想過抱起兒子離開，但剛分娩，傷口未回復而不便，她又曾想過借輪椅推兒子到街上截的士，但兒子未能配合。徬徨無助之際，診所內2名男街坊仗義相助，抱起兒子出外找的士，「uncle好快手就抱起扭計中的仔仔行出診所，點知黑仔到一部的士都冇」。最終，另1名男街坊接力，孭着男童將母子送到住所樓下，「都成十幾分鐘路程」。2名男街坊的熱心助人，令這位媽媽感動不已，遂發文公開道謝，並留下Hashtag「#香港仲有愛」、「#容許我沒有告知的情況下拍下你們的相」、「#uncle話我今日幫你，他朝有一日人地都會幫返我個孫」、「#香港是需要團結與互助」。
網民大讚﹕「善心愛心滿載的街坊」、「大力讚，好人一生平安」、「將軍澳街坊真係無得頂」、「 祝你哋兩母子快啲好番，2位真的漢子好心有好報。」