女子於Facebook群組「香港珍珠奶茶關注組」以「恐怖受辱嘅經歷」為首發文，表示日前於尖沙咀某茶飲店點了一共14杯飲品外賣，有飲品變質，店家處理方式嚇人，「體驗不好」。
文章稱，飲品送達後，「都飲到有輕微至嚴重嘅酸味」。由於第一次點單，大家都以為只是自己問題「所以都抱住試多幾啖嘅心態，再試飲幾啖」，之後「大家都覺得味道有異，開始相繼討論」。至此，該女子決定打電話去店鋪，經過一番商量才聯絡到負責人，但負責人表示「賣咗咁耐，從來未試過啲奶有問題，中環都無出過事」，「我呀，要特登返嚟尖沙咀睇嚇（下）發生咩事，我啲奶都無問題，係個雪櫃壞咗，所以啲奶先變壞，無過期架」，並表示願意支付200港元作為賠償。
對於店家提出的200元的賠償，該女子認為「成張單14杯飲品，點會係$200？」，應該全額退款，但負責人堅決回應「有事嘅得三杯！其他一律無問題！」，女子澄清指「事實14杯當中應該只有3杯無奶」，其餘11杯也有奶的成份並已變質。負責人隨後表示「本來想俾多兩張$50現金卷你，不過無曬」。對此女子認為該負責人態度惡劣而且毫無愧疚之心：「由此至終我哋無要求佢作咩額外賠償，只求退返整張單嘅錢。最後竟然俾二百蚊當塞住我哋把口，真心氣難下囉！」女子最終將此事報食環署跟進。
這篇文章引發網友熱議，大家一致認為店家處理不當。「應該要全單退錢啦，明明係佢哋問題！用啲壞咗嘅奶整野俾人飲」、「搞錯呀，明明係佢地錯，講到好似你屈佢地咁樣，態度好差呀！啲奶變咗就賴個雪櫃，錯就認啦好心佢」、「好衰呀！咁差態度都有架！壞咗就係壞咗，仲用咁嘅態度回應？真心無下次呀！食壞人仲特了嘅？」。
甚至有網友表示負責人口中的無出過事的中環店以及其他店同樣中伏「我都試過飲中環、銅鑼灣分店飲到酸味，之後就無乜點再飲了」，「我上次飲完已經覺得味道有問題 隔咗幾個鐘後都出咗事 估唔到有其他人都同我一樣」、「身邊有朋友琴日都飲到酸，即是壞了但都keep住接單」、「我上次飲完銅鑼灣分店又柯又嘔」、「我都喺灣仔店飲到酸味」。
該茶飲店最終於Facebook發表「聲明啟事」，向當事人致歉並承諾將會加強對品質的檢控。表示該事件為員工處理失誤，承認培訓不足，對「店長沒有進行全單賠償且與顧客溝通出現誤會表示歉意」 同時會加強培訓，已經 「聯繫該顧客進行再一次道歉及努力完成有關訂單賠償方案的協商。」