太空人悲劇｜妻兒從外國返香港　人夫網上說驚恐　竟得網民廣泛理解同情！

家家有本難念的經，很多婚姻狀況都不足為外人道，但原來說出來很多人都明白，最近有人夫在網絡的貼文更加引起廣泛共鳴。

有「為咗家庭無晒尊嚴」的中年港男做了1年「太空人」後，面對妻子趁學校假期攜子回港小休前，竟然在網上發文大呻對妻兒的回歸感到忐忑甚至恐懼，不知所措。

樓主匿名發文

樓主以匿名身分在facebook群組「十萬個惡頂老公的惡行」發文，講述他對妻兒準備從外國回港感到驚恐的故事。

對於身為人夫的樓主選擇在專門聲討「老公惡行」的群組中發帖，有網民稱「呢度全部都係老婆投訴老公嘅人，欣賞你入嚟嘅勇氣」；有人估計「太空人」似乎是向女士們求助。有人認為，樓主「為咗家庭無晒尊嚴，睇得出佢其實好辛苦」......「如果壓力大就入嚟呻下，會舒服啲」。

樓主的苦，居然得到閱歷豐富的網民廣泛共鳴，他們不單止非常理解他的處境，更加提供不少很有同理心的建議：「我解讀到嘅係：你覺得自己好委屈，你認為你一直畀老婆鬧，直到你老婆去咗外國，屋企無人再鬧你，你感到好平和。但依家你老婆又返嚟啦，你又要畀人日哦夜哦，畀人鬧啦......所以你好恐懼。對嗎？」、「付出晒所有畀佢哋，到頭來離你越來越遠嘅感覺」。

「即係你唔想佢哋返嚟呀？」有人說得直接：「怕見到個老婆覺得佢好煩～定係怕佢返到嚟又管呢樣又管嗰樣......」、「是被支配的恐懼」。於是有人指「一個人生活輕鬆很多吧 」、「即係你已經慣咗一個人嘅，身心自在」，有人進一步附和「單身嘅自由，係結咗婚先知可貴，但返唔到轉頭」。有網民說「你自己有答案了，你已經找到你自己想過的生活」。