日本好去處︱網民票選東京最揾笨景點Top 5 最中伏估下係乜人氣景點！

日元再創新低，心郁郁去日本，心動不如行動！不過，旅遊達人推介的景點你就聽得多，哪你有沒有聽過，最近有網民在「連登討論區」以「嚴選東京最搵笨景點」發布了一個帖文，結果意外引起網民熱烈討論，你想得到東京不少人氣景點，淺草寺、東京鐵塔竟然統統有份，最中伏究竟又係邊度？


【5】淺草寺

站在淺草寺前跟「雷門」的大燈籠拍照，相信你和我都有試過。不過網民就認為淺草寺沒什麼特別之處，「遊客區，其實即係黃大仙」、「老老豆豆，淺草雷門真係無咩特別」、「我覺得夜晚去人少D，有埋燈做裝飾幾靚」。

【4】東京鐵塔

東京鐵塔，可說是初遊東京必到景點！不過，大部份網民都認為東京鐵塔內部已經很殘舊，瞭望台的玻璃已經花到模糊不清，而且夜景同樣是香港完勝，不值得特別過去，「舊到好似平成初咁」、「附近冇咩其他嘢玩」、「喺外面影張相走得」。

【3】Shibuya sky

提到最新的東京地標，不得不提涉谷區的Shibuya Sky，主打360度把東京街景盡收眼底，是繼東京鐵塔、東京晴空塔之後，最新的觀景設施。但此類地標景點，通常都係伏伏的，「貴過其他展望台又矮到公屋高度，天氣一唔好，上去都唔得，又唔比帶袋」

【2】六本木Hills

六本木Hills，是位於六本木的觀景場地，基本上是打卡位，又是劏客聖地，大部份網民都指六本木Hills「貴」、「完全係劏客場嚟」、 「玻璃極反光，影相會影到個走火通道燈」。

【1】豊洲 千客万来

現在去築地市場食壽司，已經變了歷史，萬眾期待，東京網民熱選最伏的景點，原來是豐洲市場，又是另一個是劏客的代名詞，「性價比極低，貴過出面，嘢食普通，好多人排」、「零歷史價值，純遊客區，同築地差唔多」、「豊洲好似上過日本電視，貴到本地人都唔會去食，專劏遊客」、「豐洲似食環街市」，看來，網民對豐洲市場的評價甚為慘烈！