經濟下滑，生意不景。在港曾擁40間分店 ，2017年攻港開業的內地麻辣小食店「絕味鴨舌」，繼結束銅鑼灣怡和街分店後，有網民日前在fb群組爆料，指「絕味」的元朗分店最近亦相繼結業。
幾個月內連執2分店
絕味在港7年間極速擴張，高峰期時逾40間分店，但竟在短短幾個月內連執2分店，引來網民討論這內地品牌是否在香港做唔住，更有網民拆解為何唔吼這些麻辣小食。
攻港初期主要在港鐵站開分店
內地品牌絕味鴨舌 主打「麻、辣、鮮、香」味道小食的內地品牌絕味鴨舌，攻港初期，主要在港鐵站開設分店，期後主攻港鐵沿線及人流旺區，如旺角東站、沙田站、尖沙咀、旺角登打士街及旺角中心等等。
絕味專門滷製小食 價錢親民
絕味專門賣麻辣、香麻藤椒及滷汁風味的滷製小食，如鴨舌、鴨頸、小龍蝦球、鴨翅、鴨腎、鳳爪、雞翼尖、蓮藕等，價錢由$19至$69都有，算是親民，並以密實盒包裝，方便即買即食。
不過絕味分店雖多，但並不旺丁，不時都會見到「拍烏蠅」場面，有香港fb專頁的小編，更曾經搞鬼引述網民留言指︰「行過店舖從來都只見到店員，未見過有客人，點解可以生存到今日」。
銅鑼灣怡和街結業
而在5月時，絕味就遷出銅鑼灣怡和街的三角形「迷你舖王」位置，交吉短短一個多月，即以12萬月租租予一間找換店。這裡更曾被代理譽為「位處區內最旺燈位」的舖位，絕味於2022年進駐，今年5月撤出。
網民拆解無人食原因
日前有網民在fb群組「全港店舖消息(開張/執笠)關注組」中發文，指絕味位於元朗大街的分店亦已經結業，從上載照片可見已落閘的店家招牌已拆走，閘外還貼出告示，指感謝顧客過去支持，可繼續幫襯元朗區其他分店。
帖文一出，引來網民熱烈討論，有網民更拆解「冇人幫襯」原因，因為「絕味」在港不及在內地般受歡迎，所以才會「冇人吼」，又指「好多區都見分店，未見過人入」。