有片｜巴士大媽疑無撳鐘「飛站」鬧車長　肉身擋車門結局係點？

再有乘客大戰巴士車長影片流出！網上日前瘋傳一段影片，一名大媽疑因為自己失誤無撳鐘，導致巴士「飛站」，但她竟然直斥是車長問題，更以肉身擋巴士令巴士停駛，全車乘客無辜陪等。

肉身擋車門結局係點？

日前一輛九巴「102」號巴士上，一名大媽疑因為太遲按車鐘導致「飛站」，她心生不滿在下站頂住車門，阻礙司機關門。影片中，大媽企於巴士下車門的右側位置，她半邊身伸出車外，車門因此無法關上；而其他乘客見狀立即責罵大媽，「而家妳阻住唔緊要，報警啦！使唔使我幫妳報啊？」。最後大媽被全車人圍插後，擾攘數分鐘自己落車離開。

網民籲大媽「冇品」

網民看畢影片後表示，大媽無家教及沒有公德心，又指她已犯法，「呢啲要放上YouTube，Post俾傳媒俾佢屋企人睇」、「有病去青山排隊去睇急症啦，一定掛住看收機遲左㩒鐘」、「咁巴之弊！應該搭的士嘛！」、「成日有人挑成車人機，其實司機無所謂，咁樣搞一搞佢唔洗做仲開心」、「講真啦，我都成日搭巴士我真係未試過飛站囉」、「正宗廢老，做埋d損人不利己嘅事。」、「我就會叫佢死開，咪阻住我！」、「司機有OT補水！你玩夠一整天！」、「巴士內有CCTV 呢條友等九巴同警方告票啦！」、「今日香港的人類無家教無公衆責任。只想別人對自己有責任和利益。」、「如果佢可以阻住閂門，代表佢趕得切落車」、「女乘客已干犯干擾巴士罪」。

根據《道路交通（公共服務車輛）規例》，公共巴士之乘客或有意乘搭該等車輛的人，不得「損壞或干擾巴士」、「干擾車門、機械裝置或控制器」、「作出延誤巴士行為」，如無合理辯解而違反，一經定罪可處罰款3,000元及監禁6個月。