有片｜大圍麥當勞外賣男不滿出餐慢　雪糕架掟女職員被捕！原來有前科？

不少市民肚餓都會選擇叫外賣，只因送餐時間時快，但原來快的背後是有外賣員一直催討餐廳，近日便有一名外賣員因不滿一間麥當勞餐廳出餐慢，而向職員作出襲擊動作，其後被捕。消息指，涉事的外賣員原來一早「有前科」。

大圍麥當勞外賣男不滿出餐慢

周六（1月19日），大圍新翠邨一名KeeTa外賣員於麥當勞取餐時，涉嫌不滿麥當勞出餐慢，而在餐廳大鬧，甚至將取餐區雪糕架扔向餐廳職員，被警方拘捕。

大圍麥當勞外賣男涉雪糕架掟女職員

網上群組流傳該名外賣員在麥當勞內擾攘的影片及照片。在事發時，該名外賣員大鬧一輪後仍自以為無錯，拍片公開餐廳職員容貌。影片所見，其中一名女職員一臉無奈，另一人則疑正在報警，向電話另一邊的人稱「暫時冇傷，但佢喺到恐嚇我」。
警員到場後，有人更將拍下警員編號上載到社交平台，網上亦有照片。

警方：以涉嫌普通襲擊拘28歲外賣員

警方於昨晚6時42分接報，一名Keeta外賣員在大圍新翠邨麥當勞餐廳取餐，其間疑不滿遭職員無視，而舉起一個20厘米乘15厘米的雪糕架擲向桌面。20歲姓陳女職員上前制止外賣員，惟外賣員再以雪糕架擲向她。陳女感肚痛，即時報警求助，但無需送院。警方到場以涉嫌普通襲擊拘捕該名28歲姓馬男外賣員。

影片截圖：

香港麥當勞：不接受任何暴力行為

就以上事件，香港麥當勞發言人亦回覆傳媒查詢，指員工的安全是公司的首要考量，重申不接受任何暴力行為。

網民及同業：該人有前科！

事件流傳後引起外賣員同業及網民討論，有人提到，該人早已「有前科」，更指他影響外賣行業，「師兄犀利！知道咁多野」、「呢期佢最威啦」、「唉，咪影響同行啦」、「大圍出沒，熊仔頭盔果個？」、「難怪美團要請人換血」、「仲未封ac?」、「講還講， 催餐還催餐， 咁唔尊重，咁無禮貌又郁手郁腳 ， 真係冇得救」、「廣東話都未識講學人催餐...」、「呢條友楂架電動車，飛嚟飛去，終於被警察拉」、「好心封佢帳號啦」、「我做客都好驚」、「報左客服，咁樣都唔封真係好耶」、「呢條友用電動車捉過又無事，賬號又唔封」、「呢條友好多前科啦」、「佢咁多累積違規，一定好快就會畀人炒」、「有冇人送佢一程，舉報佢」、「無視香港法律」、「外賣界名人」、「前日係新翠雲南米線攪譚仔阿姐攪到阿姐報警，今日係新翠麥當勞攪阿妹攪到報警」、「老麥都可以玩到報警？佢搞乜黎」。