香港護照「全球最靚」？港女教用特別方法照出玄機：靚到癲！

不少國外機構經常以免簽地點、使用方便度等，來評護照「含金量」，近日就有香港市民表示，香港護照「全球最靚」，更教路用1個「特別方法」照出護照內的玄機！

香港護照「全球最靚」？

近日有港女在社交平台發布數張照片，並寫道，「原來HK passport（香港護照） 靚到癲！見有人講，於是我就照燈睇，真係靚到癲。仲要一路掀，一路變（夜景、紫荊花、蝴蝶），係咪全球最美passport ?」。

據她上載的照片可見，她用紫外光燈（UV燈）照向香港護照後，映出非常漂亮的畫像，當中有維多利亞港由北角至上環的夜景、香港特區區花洋紫荊，也有小隻的蝴蝶等。

網民：好值得keep返留念

不少香港人在帖文留言，紛紛稱讚護照的設計，「關員照燈時，應該都覺得好靚」、「之前特區護照有煙花，我去美國過海關嗰啲關員佢話好靚，我先至知原來喺UV燈有啲咁嘅圖案」、「嗰幾百蚊護照收費好抵比，覺得個設計值」、「好值得keep返留念」、「開始唔捨得被蓋印」、「有個人資料個頁係照到有青馬大橋」、「有一次我喺英國入境，手續搞曬之後關員叫我去佢後面，然後佢用個紫燈照passport俾我睇，佢話係香港嗰個先咁靚」、「真係關員知，香港人唔知」、「我係亞美尼亞比出境條友照左好耐本護照，仲照比我睇，不停話本護照好靚」、「我諗啲關員發現咗後面咁靚，肯定忍唔住不停往後掀多啲嚟睇，但又怕人等得耐，最後返番去前面chop印」、「香港靚/值得香港人驕傲嘅嘢」、「尋日照嗰陣睇到身份證背面都有嘢睇，但冇passport咁震撼」、「超美的」、「唔知當時係邊啲人有份設計，讚」、「乜咁靚㗎咩？完全唔知」、「我無UV燈啊，等我都買嚟照下先」、「一次睇夜景，一次專睇洋紫荊，一次專睇蝴蝶
我諗設計師知我咁睇法，有人欣賞會好滿足兼開心」、「香港嘅靚嘢要收收埋埋先keep 得耐」、「唔怪得每次過關都照咁耐」、「香港的特區護照的確很美，足以自豪」、「雖然知道有呢回事，但冇uv 燈就沒自己照過，真係好靚」。

同場加映：唱錢最化算必睇4大貼士