存鈔操作疑不當令存鈔機只「食咗」半張「金牛」 網民：可否取回1000元?

網上fb群組今天 (2月8日) 流傳一則帖文並且附上一張圖片，帖文題為「好搞笑」。

圖片中可見一張中銀香港於2015發行的1000元「金牛」，懷疑被據匯豐銀行的存鈔機「食咗」半張於存鈔機之內，物主只剩餘半張鈔票。

根據匯豐銀行的「存錢妥」存鈔步驟指出，當核對存款戶口名稱及號碼正確無誤後，(打橫) 放入紙幣（每次交易最多放入150張紙幣），存鈔過程中懷疑物主打直而非打橫放入鈔票，當存鈔機的存鈔口關門後發覺不妥，於是用力抽出鈔票而令到鈔票撕成兩截。

網民對此感到嘩然，不少人留言表示「食錢機原來真係會食錢」、「4044唔好意頭」、「又會咁」、「好明顯佢打直入，幅圖都話唔可以打直入，只可以話佢自己攞嚟」等。

但對於物主最終能否取回1000元，網民們則論紛紛，有網民表示「係真鈔嘅話可以換」，也有網民指出「去果間atm既銀行講」及「你影住有證據點可以唔回翻俾你啊」，也有網民表示「得返半張，換唔到」等。

有業內人士指出，物主最佳的做法是先向存鈔機的所屬銀行滙報事件，以便盡快從存鈔機中取回「被食」的半張鈔票，然後再更換一張完好的鈔票。

事實上，根據香港金融管理局的解說指出，破爛鈔票「可以拎返去發鈔銀行換。銀行會按既定嘅準則嚟驗證真偽同損毀程度，例如會驗下張銀紙係咪真鈔、睇下防偽特徵仲係咪完整、損毀面積有幾嚴重等。一般嚟講，如果無以上呢啲問題，銀行都會換返錢畀市民嘅。」

由此可見，也就是說銀行會視乎不同的情況來處理，如果鈔票破損程度嚴重，有可能導致不能換鈔。

至於鈔票只不過對半撕爛，黏合後可否再用？金管局的解說提醒「最好都係交返畀發鈔銀行啦。提醒你，千祈唔好將兩張不同號碼嘅鈔票黐埋一齊，咁做係合成銀紙，唔係法定貨幣嚟喎。」