屋邨幼稚園門外現「BB車龍」排隊惹熱議　網民解釋有原因！

近日有屋邨幼稚園的門外出現「奇景」。有網民在社交平台上發帖，並分享了一張屋邨幼稚園門外的照片，照片中，幼稚園牆邊整齊排列著一排「BB車」，車內無人，而照片亦惹起熱議。

屋邨幼稚園門外現「BB車龍」排隊

周二（3月11日）社交平台上有網民分享一張，在屋邨幼稚園門外的照片，照片中幼稚園牆邊整齊排列著一排「BB車」，車內沒有人，估計為家長暫時停放在門外，等待小朋友放學時使用。

帖主在照片上寫道：「我真係唔識，泊滿晒車車B」；又在並在帖文中表示：「這是常態嗎？現在上幼稚園的小朋友太小了嗎？小到不會走路？」

網民解釋有原因

帖文吸引不少網民留言，有人指是因為小孩太重，需要用上BB車接送，亦有家長稱自己無力抱不到小孩，「幼稚園有N 班， 只有兩歲的， 而且就算K1-3班， 返放學途中睡眠都好正常」、「我個b k1 3歲2個月，幾十磅，放學就會訓著。Sorry我得100磅，我真係抱唔到，手都斷，腰又斷」、「喺地鐵見過5、6歲小朋友坐bb車！仲唔只一次。有時諗，而家啲小朋友真係矜貴」、「你問下你媽抱你辛唔辛苦。時代轉變推BB車，父母舒服啲對自己好啲都要審人地」、「我個人做法係一翻幼稚園就唔會推bb車，放學眼訓就上車訓」、「係咪好多幼稚園都俾泊架車仔喺門口？」、「可能有啲住好遠？」、「小學仲坐bb車返學都唔少啦」、「原來依家好多家長咁諗嘢。我太老土，竟然仲覺得3歲要BB車係極少數人嘅做法。」、「當你湊住一件2-3歲...又要去買餸，買日用品，又怕佢瞓，BB車係救命草來」、「我覺得細路識行應該要多行」、「我做人呀媽我都唔贊成小朋友郁啲就話攰，佢地係要練腳骨力，要學習自己靠對腳行去同呢個世界接觸。」、「小朋友返完學攰，有機會會扭抱，BB車當然係最舒服嘅選擇」、「我覺得用BB車多數大陸落黎嗰班老母用多」、「好大機會買完餸等小朋友放學，有架車除左比小朋友訓下覺，大人放下野。」、「小朋友扭計要抱抱，車車系恩物！」、「好羨慕可以暫泊bb車嘅幼稚園」、「十年前接放學（n班）真係無bb車放門口」、「返幼稚園推架BB車又俾人公審」。