有片｜的士司機勁高難度「棟高腳」揸車兼不停吐痰　嚇親乘客仲疑似無牌

近期本港的士司機的服務質素成為網民熱門話題，不少市民指責一眾的哥駕駛行為不夠專業，更批評部分司機態度不佳，甚至存在潛在危險。近日網上流傳影片，有的士在行駛時，施展勁高難度「棟高腳」揸車兼不停吐痰，更沒有公開駕駛執照。

的士司機「棟高腳」揸車兼不停吐痰

有網民在社交平台發文，指日前上了一輛「恐怖」的士，「今日坐的士，個的士司機全程棟高隻腳揸車…坐左20分鐘車，至少向外吐痰吐咗10次…仲要冇駕駛執照…」。

據事主影片所見，的士司機開車時將，赤腳踩上檔把處，左手又不時動來動去；而仔細看，車上亦沒有放上駕駛執照。事主又指，20分鐘車中，司機更不時向車外吐痰至少10次。

影片截圖：

網民籲「快啲舉報」

不少網民看片後，指責的士司機的行為危險，更有不少人指要盡快舉報，「點解好似左邊冇司機資料？」、「唔知係咪我搭過果個。我果次仲要凌晨出機場，全程棟高隻腳，時快時慢，嚇到傻」、「如果影到吐痰，咁有機會罰錢？」、「其實最驚係佢隻左腳，唔準備踩break，touch wood有咩事就慘了。」、「我記得可以投訴」、「落車影車牌再1823舉報佢」、「的士係咪都有外勞？之前睇新聞我記得個計劃包咗好多個行業」、「好死唔死我搭去機場果程先黎截到個外勞，同我係機場外邊兜咗三個圈」、「棟高腳而揸得安全就算啦，但係吐啖就一定要舉報佢啦」、「試過有次又係冇司機證，副駕位放住個背囊，我坐落去佢叫我幫佢拎住，話唔想放落地」、「叫佢show返個司機證出嚟，好似犯法㗎喎」、「應該係冇放的士司機證，駕駛執照有冇就唔知。」、「一坐上車見到唔多對路，就立即扮留左野落返車」、「咁核突嘅人俾我即落車仲望住佢」、「今時今日仲搭香港的士根本係同自己過唔去」、「我試過落車嘅時候，佢找返我$20。佢夠膽死找啲神沙俾我」、「香港的士真心應該被淘汰，司機駕駛態度/技術真係勁差」、「試過Uber都有大陸司機，架車又污糟，路又唔識，一嘢踩油揸火箭咁」、「司機肯定冇用愛膚堅」、「必須1823..等佢上庭罰款！」、「就算棍波車不必要地單手控制軚盤，可以告不小心駕駛」、「點解無司機証嘅？」、「吐痰往外吐，好文明」、「點解可以咁揸車」。

同場加映：的士司機違例記分及的士車隊

司機疑犯了數項法例？

司機或犯了以下法例，根據香港法例第374D章《道路交通(公共服務車輛)規例》第51(1)條，當的士停車候客時，司機在符合同一章第51(1A)條的規定下，須展示下列各項，以便的士之乘客可以清楚見到及易於閱讀，包括以中、英文字示明的使用的士收費表；及車輛的登記號碼；及證件架上之的士司機證。若任何人無合理辯解而違反即屬犯罪，一經定罪，可處罰款2,000港元。

此外，根據香港法例第570章《定額罰款條例》在公眾地方吐痰即屬犯罪，一經定罪，可處罰款3,000港元。