有片｜將軍澳白色私家車螺旋處閘車及讓線沒停　司機落車爆粗「請教」

有駕駛者或對「螺旋處」的使用感到陌生，因此會走錯路。網上流傳一條車Cam片段，周五（3月21日）下午時份，一架白色私家車在將軍澳駛出螺旋處時，在讓線沒有停車，片主轉出寶康路時，白色私家車再駛前切線「閘車」。

將軍澳白色私家車螺旋處閘車

該段網片片長約1.5分鐘，開首左方一輛白色私家車打右燈，從將軍澳廣場對開寶邑路進入螺旋處。片主沿螺旋處駛入將軍澳廣場對開寶康路，在出口位險撞白色私家車，於是響咹示意，並停車按兵不動。

司機落車爆粗「請教」

白色私家車司機其後落車、舉起雙手道歉，「對唔住呀！我唔啱呀！同你講半個鐘頭對唔住，好唔好？」。片主回覆該司機，「唔使講對唔住㗎，你停得㗎啦！你唔使閘住我，你走啦。」

不過，他轉頭就粗口問候片主，自以為「出（迴旋處）先」就有優先權，最後令片主發聲指責對方，「呢個螺旋處嚟㗎！」。白色私家車司機雙手叉腰表現不服氣。

網民：最恐怖係唔知自己錯喺邊

不少網民表示驚訝，指對於有駕駛人士不懂螺旋處使用方法感到驚嚇，又有人表示要盡快舉報犯法司機，「最恐怖係唔知自己錯喺邊度，呢個先大鑊」、「自己錯仲要聲大夾惡」、「必須去舉報」、「一定要1823」、「送佢喇，唔好客氣」、「如果咁樣俾人閘chok親條頸會點？」、「幾拾歲人都唔知個牌點考返黎」、「佢閘車已經錯晒！」、「如果考車牌嗰時真係有讀過書嘅，好應該清楚，咩係螺旋處、咩係迴旋處」、「其實大家都要認真睇睇迴旋處應該點揸，見得太多這種司機」、「樓主，請將此片段交與運輸署，呢位人士會受到法律責任」、「1823佢啦，絕對係老不加魯莽駕駛！」、「有片有證據可以去舉報，佢涉嫌危險駕駛」、「講咁多做咩呀，好聲好氣都畀個機會佢 ，送佢一程，等法官話畀佢聽」、「講兩句即刻走，即係冇誠意啦，呢啲人都冇誠信嘅。」、「駕駛態度已經有問題沒有人沒犯過錯」、「報警送佢一程啦」、「有病，突然間閘住人」、「就佢就係見你扭軚避佢，佢就照出cut埋嚟」、「條友咁無賴」。

同場加映：駕駛好心態 – 道路工程篇

同場加映：甚麼是危險駕駛？

司機駕駛汽車的方式，顯然大有可能對其他道路使用者、車上的乘客或司機本身造成受傷的危險，或對財產造成嚴重損害。司機駕駛汽車的方式，遠遜於一個合格而謹慎的司機會被期望達到的水平，及對一個合格和謹慎的駕駛者而言，該方式駕駛汽車屬危險是顯然易見的，例如︰

不理會交通訊號的指示
不理會交通情況
不顧警方所設置的路障／警務人員所發出的清楚指示
危險駕駛的例子

在下列情況下嚴重超速駕駛︰

沿路有多個以燈號控制的路口
沿路有多個急彎
沿路有車輛會從其他路口駛入

以下列方式「扒頭」︰

在有急彎的地方，越過雙白線「扒頭」
當對面行車線的車輛從近距離駛來時，越過雙白線「扒頭」

下列情況下衝紅燈︰

其他車輛已停下，而行人正在橫過馬路
其他車輛已停下，而來自其他方向的汽車正駛過道路交匯處

此外，根據香港法例第374章《道路交通條例》，危險駕駛的最高可處罰款港幣25,000元及監禁3年；如屬首次被定罪，可被取消駕駛資格至少6個月；如其後再次被定罪，可被取消駕駛資格至少18個月。