有片｜港女城巴疑遇「巴士扒手黨」　驚現疑小偷開手袋拉鏈更反嗆乘客

近期有人在網上指，在乘坐巴士的時候，驚現疑似小偷，乘客聲稱被開手袋拉鏈，涉事的「巴士扒手黨」更加反嗆乘客。事後相關影片被上傳至網上瘋傳，引起不少市民關注。

該段影片在網上瘋傳，顯示一名女乘客在乘搭城巴過海巴士時，發現有人用衣服遮掩，並伸手拉開她的手袋拉鏈。據影片所見，該女子當場大喊「偷嘢」，並用手機拍攝疑似小偷的男子。該男子以鄉音廣東話否認指控，並揚言「拍我有咩用啫」。

影片截圖：

城巴「102號」疑有「巴士扒手黨」

據悉，事件發生在城巴「102號」，往銅鑼灣方向行駛途中。女氏7客發帖文指，「大家小心呢個人！佢係扒手！今日我搭102巴士往銅鑼灣方向！發覺有人搞我手袋！見到佢搵件衫，遮住隻手拉我拉鍊！所以我大聲嗌！你偷嘢！佢同我講撞親我啫！但我同佢講你撞親我點解拉鍊會開咗！所以大家小心呢個人！」。

她表示，當下發現有人用衣服遮掩觸碰她的手袋，並大喊「你偷嘢」，隨即取出手機拍攝。男子解釋稱「唔小心撞親」，但女子反駁「如果你撞親我，點解（手袋）拉鏈會開咗！」。

男子操鄉音廣東話回應

影片顯示，該名戴鴨舌帽男子以手遮掩臉部，並以鄉音廣東話回應「咁無咩意思啊嘛，你拍我，拍我有咩用啫？」。最終，女子大喊「報警」，司機聞言幫忙報警處理。

不過，女乘客指自己因沒有丟失財物，故警方無法對該男子提出指控，因此只能在網上發片發文，以提醒其他乘客提高警惕，注意自身財物安全：「報咗警！因冇唔見嘢！所以警察告佢唔到」。

網民：一定要報警處理！

這單疑為偷竊事件引起不少網民關注，有網民指一定要立即報警處理，以免有其他受害人出現，亦有人引用心理學直指該名男子在說謊，「要報警，肯定一日幾十單，你仁慈就好多人受害」、「我預計扒手將會大量出現，各位真係要小心自己銀包」、「佢個下用手抹鼻好恐怖呀，支持報警」、「他們應該是群黨形式進行。小心」、「我上次喺巴士又係俾個男人開咗我個手袋, 巴士唔多人的, 佢好大膽, 手法完全一樣…如果換轉返工放工喺地鐵落手應該成功左!」、「扒手搵食都唔係咩新鮮事」、「拍佢有用呀！等更多人知！」、「根據心理學，如果佢講大話同埋緊張係會捽鼻哥」、「叫車長報警，堅持要去差館落案，呢啲專才喺差館有晒file」、「擺明身有屎， 遮住個樣」、「佢最後仲用隻手去撩鼻屎…」、「佢講大話佢冇摸自己個鼻哥」、「各位小心啲啦」、「香港扒手係老行業了，出門本要小心，我嗰陣時比人扒過好多次！」、「要廣傳要廣傳」、「好少坐巴士。太恐怖了」、「報警la 真心，如果咪下個人受害」、「咁衰既!大家小心啲啦！」、「報警啦，你放過佢等於縱容佢」、「應該報警，拉佢啦！」、「拉住佢唔好放！叫車長報警！」、「影到佢其實應該即時報警」、「必須報警呀」、「應即時報警。」。

同場加映：手機慳電秘技

盜竊罪判甚麼？

在香港，盜竊罪根據《盜竊罪條例》第210章進行規管。該條例明確定義了盜竊的五個基本要素，包括不誠實地挪佔他人財產、意圖永久地剝奪他人的財產等。盜竊罪的最高刑罰為十年監禁。判刑的標準會依據案件的具體情況而有所不同。偷竊物品價值、犯案動機、是否有組織地進行等都是考量因素。初犯者不一定會被判入獄。法庭可能會考慮其他替代性懲罰，如罰款或社區服務令。