有片｜私家車讓線無停車兼閘警車遭斷正　司機被嘲：自己申請被罰

駕駛者不守交通規則會被罰款！日前網上流傳一段車Cam影片，一輛私家車在迴轉處沒有讓線停車，其後更閘警車遭「斷正」，被警察跟隨尾後。影片之後在網上引起討論。

私家車讓線無停車兼閘警車遭斷正

該段車Cam影片全長約15秒，可見一輔黃色私家車駛入一個迴轉處，其後，私家車讓線沒有停車，更加「閘」住警車。但私家車未有為意並駛走。

私家車被「斷正後」，立即遭到警方關注，警車隨即跟隨。片中亦可見警車一直跟住私家車的行駛路徑。

影片截圖：

網民嘲：自己申請被罰

不少網民及車主指，黃色私家車嚴重違反交通安全，亦有人指應該舉報司機，「揸車知識完全唔識，小路出大路唔慢車看清交通情況，等呀蛇畀張告票教識你可保命長久。」、「司機“淘牌”？」、「讓線冇停車，冇留意路面情況入回旋處，不小心駕駛等扣分。」、「自己申請」、「連迴旋處內車輛優先通行都唔識仲要閘警車…」、「即時批核，唔駛等30分鐘」、「大陸開車文化已一早入侵香港呢！」、「申請即批，唔好講咁多，係佢自己亂咁嚟」、「啱㗎啦！係要交下學費，扣下分先有記憶」、「迴旋處小路讓大路」、「尋日經過見到呢幕」、「請先讓迴旋處內車輛行駛」、「迴旋處唔係要先停車睇吓有冇車響右邊嚟先？」、「呢啲人證明平時係一定無意識，仲可以會手指指話返你」、「太多淘寶駕駛執照買」、「有料到，仲繼續行」、「幫你唔到，戲都唔做」、「警察又唔係埋伏裝你，係呢啲人大地任我行，抵死」。

錯誤使用迴旋處要罰錢

根據香港法例第374章《道路交通(交通管制)規例》第38條所指，錯誤使用迴旋處，或在迴旋處內發生交通意外，可能會被警方票控「不小心駕駛」，任何人不小心駕駛，一經定罪，最高可被判處監禁6個月及罰款港幣5,000元；另外根據第374章第69條，法庭和裁判官可按實際情況暫時或永久取消被告的駕駛資格，即會停牌。