有圖｜餐廳被客人投訴蟹肉份量不足　網上圍爐竟自揭溝貨出售被罵翻

一間餐廳在網上發帖打算「圍爐取爐」，分享被一位客人投訴的經歷，指有客人投訴蟹肉餐點的份量不足，更自行上載食材取貨單作證明。不過，卻被網民發現疑似「溝貨」出售，引起眾人抨擊。

餐廳被客人投訴蟹肉份量不足

該餐廳在網上發帖文，指數日前，有客人經外賣平台以半價點餐，回了一客蟹肉蟹膏飯及炸雞雙併，全單半價後實際付款$108.5元，但其後因為蟹肉份量不足而退款，經客服處理後，亦成功退回蟹飯的一半款項，即$52.5元。

但店家指，該客人以惡毒言語攻擊店舖，是為流量、存在感，重申關於蟹肉份量不排除出餐過程有錯，店主亦已經對客人作出兩次致歉，又強調外賣平台內圖文並茂清楚顯示產品成份及做法。

其後，店家又公開食材採購單，可見訂購了20盤仿雪蟹肉、1盤真雪蟹肉，但網民卻認為店家是「溝貨出售」而被罵翻。

網民：只可以話老細老實得滯

不少網民看事件後，認為老闆欺騙客戶，亦有人認為，行內「溝貨」很常態，但自揭「溝貨」則很奇怪，指老闆過份老實，「我只可以話呢個老細老實得滯，仲要出張咁嘅單」、「關公而家都救佢唔到。」、「你無得話佢無，1%蟹肉都係蟹肉」、「如果鱈蟹丼
 99.9％仿蟹+0.1％真蟹，無違反商品說明條例」、「post單出來個個係間舖自己咁搞笑」、「造假嘅野多少都要落啲真」、「之前俾人投訴成舊水個蟹柳飯」、「算啦，起馬都買頂級啦，算有良心」、「好似Mk某d波鞋店，真假混賣」、「入一次貨先400 暴利」、「間鋪咁樣衝出黎自殺都有嘅」、「佢仿嗰隻都買“頂級防”喎」、「溝貨好多地方都會咁做」、「燈油火蠟舖位員工從天跌落嚟」、「蟹肉確實有 但比例少得可憐...」、「好少何見老闆會想加速自己舖頭死亡」、「真係諗唔明有咩人會拎貨單黎宣傳」、「佢要投訴，舖頭控制唔到。但究竟你地係咪用蟹柳當蟹肉先？」、「話自己係蟹肉飯，但係用蟹棒兩溝」、「死雞撐飯蓋....」。