港違泊古惑電單車收起車牌行車證避抄牌 警一招破解

網上FB群組最新流傳一則帖子並且附上圖片，帖子題為「警員瞓身抄牌，破電單車司機古惑招」。

帖文指出「近日有電單車車主流傳只要泊車時收起車牌，警員無牌可抄就可以任意違泊。你咁諗就太天真，因為警方要抄就可以去到盡，不惜瞓身損車底，搵電單車底盤號碼，再翻查運輸署資料，就可以追尋到車牌同車主資料，一樣可以發出告票。有電單車更一口氣俾人抄咗兩張牛肉乾，一張係違例泊車，另一張係沒有展示行車證，合共$640埋單」。

網民對此議論紛紛，不少人留言表示「以為好醒，其實豬頭炳」、「抄牌要為國捐軀」、「連白衫都跪低抄牌」、「比我係阿sir冇資料都冇直接拖走最好」、「無阻住你當然要X，阻到你最好拖埋走，香港人真係一絕」、「見到呢啲出古惑嘅人，最好就不停抄，一夠時間就抄，謝謝」、「又想做明日之星」、「無計啦，鬼叫正苦無錢」等。