有片｜屯門公路深夜「蛇出沒注意」　途經司機一度誤以為繩索：好大條

屯門公路深夜「蛇出沒注意」！日前有司機指其駕駛途經屯公時，路面上突然有一條蛇出沒，司機更一度誤以為是繩索，其後他將影片放到網上，引起不少網民熱議。

屯門公路深夜「蛇出沒注意」

有司機在網上發帖文及影片，並留言指「好大條蛇，避唔切」，也有網民認同「想避都難」。據該段車Cam影片顯示，日前深夜時分，屯門公路近荃灣麗城花園一段路，有一條蛇倒臥路中。

該影片約10秒，拍攝車輛沿屯門公路向屯門方向行駛。抵達麗城花園附近時，路中一條黑色粗壯物體吸引注意，駛近後才發現是一條蛇；至於車尾的車Cam影片亦拍攝到，其他車輛也無法避開蛇身，未有嘗試閃避。影片中蛇一動不動，估計已死亡。

網民：蛇已「散哂係側邊」

其後，有網民留言：「今朝見到已經散哂係側邊。」、「我琴晚應該後你幾個車位，我去到時見到頭扁咗，仲郁緊 我仲同我屋企人講 好大隻蛇，好彩離遠見到避左」。有人推測該蛇已被輾斃及被移至路邊。

同時，事件亦引起不少網民熱議，「呢啲想見想避都難，正常人理解嘅」、「唉..我琴日都係咁...大埔公路見到前面好似有紙皮，收慢駛近先見到係隻馬騮仔，已經血肉模糊但仲掙扎緊」、「無紅綠燈過馬路擺低$2000先」、「蛇羹.......」、「拉得，殘酷對待動物 #曲」、「邊度有蛇出嚟」、「有少少肉赤」、「就咁睇，好似喺前面架車度跌出嚟咁」、「今次真係放蛇」、「如果在內地，車主們就有口福」、「我都預過屯門公路有蛇」、「電單車轆過就會炒」、「係可行情況下見到前面有野我都會cut線避」、「其實要唔要泊邊報警？」、「唔信邪嘅，就自己拜個神」、「我之前以為係樹葉差啲碌過」、「生有時、死有時」、「條蛇都唔想做蛇了」、「殺蛇兇手」、「天氣熱，啲蛇會走出嚟」、「嘩，呢啲唔係有片阿蛇都未必信」。

同場加映：駕駛好心態 – 道路工程篇