黃金周旺區公眾垃圾桶驚變垃圾站 老外入鄉隨俗大玩「層層疊」

網上fb群組近日流傳一則帖子並且附上一張圖片，帖子題為「黃金周生意旺 垃圾桶滿瀉」。

圖片中可見在黃金周期間，相信一個位於旺區小食店附近的公眾垃圾桶，垃圾滿瀉驚變垃圾站，一名外國人入鄉隨俗，無奈之下於垃圾桶頂上掉垃圾，大玩「層層疊」。

網民對此議論紛紛，不少人留言表示「香港條街而家少了好多垃圾筒，叫人把垃圾放係邊」、「政府鼓勵市民將垃圾帶返屋企，但冇鼓勵啲旅客。下次記住叫啲旅客帶垃圾返屋企，等佢哋有賓至如歸嘅體驗」、「其實現代社會點可能做到源頭減廢啦，收埋晒啲垃圾桶，你叫人攞返屋企，攞到返屋企舊垃圾唔會消失嘛，搞到個社會似乜，一句環保就黐晒線」、「賣小食啲店家都有責任，門前放個大垃圾桶，點都有啲幫助！想做好生意，大家都負啲責任」、「又話個垃圾桶細d，少d垃圾」、「辛苦了一班清潔工人」、「油麻地地鐵站出口垃圾筒，長年時間天天都係咁鬼樣」、「老鼠樂園！」、「如果食環企側跟炒牌庫房就發囉」等。