有片｜元朗中年漢爆粗大鬧台式飲品店　疑要膠袋不肯加$1　職員態度獲讚

本地零售飲食業「好客之道」的廣告深入民心，一句「做多一步，好客之道」令大眾印象深刻，但有些市民卻將服務自己視為「老奉」！日前元朗一間台式飲品店，有客人爆粗大鬧職員，疑因要膠袋卻不肯加$1。片段其後在網上廣傳。

中年漢爆粗大鬧台式飲品店

日前元朗有中年漢爆粗大鬧一間台式飲品店。周日（5月4日），有網民在社交平台上，發布了一段長約兩分鐘的影片，並寫道，「買嘢要袋加一蚊，唔想畀就喺度嘈鬧人唔畀袋佢。鬧咗好耐，我見唔對路就由舖頭走出去幫手拍低，萬一有需要可以做證。咁耐都冇secure（保安）嚟，我就一路拍一路大聲叫人搵secure（保安），全場嘅人都喺度食花生，叫咗幾次先見個secure（保安）喺老鍊咁遠打緊電話，但完全冇人出現過幫手」。

店員冷靜應對爆粗中年漢

該段影片中，中年漢不停以粗口指鬧店員，「你係咪想玩嘢呀？你有無尊重過我？係咪唔賣畀我？唔X得呀？X你老X，你以為我係咩呀」。

面對中年漢爆粗大鬧，店員卻冷靜回應，「我無玩嘢，我淨係想問你要乜嘢，淨係想知你要咩之後收錢」。其後，中年漢指「可以報警」時，店員又回應：「咁又唔使！」。而拍片者亦不時高呼找商場保安來處理事件。其後影片結束。

影片截圖：

網民大讚職員態度EQ高

影片片段在網上傳開後，不少網民認為大叔欺人太甚，又稱讚店員EQ高，「其實店員入返鋪頭𥚃面做野，唔理佢便可。」、「嗰1蚊政府要收㗎，上去政府總部嘈啦笨。」、「肯買杯$3x蚊嘅嘢飲，但係唔肯俾$1膠袋」、「嘉許情緒穩定的店務員」、「有時真係唔明白點解人會為咗1-2蚊而咁鬼勞氣」、「部分包裝係氣密，所以係合法收$1，同麥記唔同，但好多人唔知政府其實唔會向商戶收返個啲錢」、「年輕人冷靜應對，望住背心漢果種谷住條氣勁唔順想爆想爆就覺得身心舒暢。」、「人地都係打份工啫，間舖頭又唔係佢開」、「阿後生仔可以企喺度俾佢鬧都幾堅，Eq高」、「香港真係多衰客，琴晚係某餐廳都見個衰客係度為難店員」、「香港人真係壓力好x大，隨時隨地都可以爆得」、「感覺上店員嘅eq都幾好」、「咁激動，佢心臟頂唔頂得住架？」、「要人尊重你唔該你尊重下自己先，係人都會老唔係老就大晒，人地可以體諒你老但唔係奉旨應份」、「前線真係好慘，政府將責任推晒俾前線，由安心出行到膠袋徵費，俾人鬧嘅都係前線，收錢嘅都係政府」、「其實膠袋徵費都實行咗好多年啦，個阿叔啱啱先放返出嚟？」、「唔肯俾$1買袋，即係唔聽政府話」、「真心為果個收銀員慘囉，一個膠袋姐，說到人地有心為難佢」。

$1膠袋徵費僅部分豁免

環保署將於2022年12月31日起實施新的膠袋徵費計劃，屆時每個塑膠購物袋的收費將從現時的$0.5提高至最低$1。除了提高收費，新措施還收緊了豁免範圍。

根據環保署的資料，最新的膠袋徵費優化措施包括：

• 每個塑膠購物袋的收費由現時最低$0.5提高至最低$1。
• 取消現時對盛載冰凍／冷凍食品的塑膠購物袋（包括平頭膠袋）的豁免。

3種可獲豁免的情況：

1. 沒有包裝的食品（如無包裝的麵包）。
2. 並非完全載於任何包裝的食品（如包裝未有完全覆蓋的麵包或水果）。
3. 以非氣密包裝的餐飲外賣時（如茶餐廳外賣、紙杯裝外賣餐飲）。

在以上3種情況下，才可免費提供塑膠購物袋，並以每單一交易一個免費袋為基本原則

相關新聞：

有片｜日本城職員與客人爆口角網片瘋傳　網民力撐一方大讚EQ高！

有片｜萬寧分店客人欲換貨惟單據無效　爆粗大鬧職員網片瘋傳

有片｜港的士司機疑嫌車程太短趕內地客落車 爆粗鬧「你報警啊!」