有片｜翠屏邨公屋女保安揈毛巾追打外賣員　「激戰」後更舉V自拍

近日一段公屋女保安「揈毛巾」大戰瘋狂外賣員的影片在網上瘋傳，有指因女保安疑不滿外賣員舉手機拍攝而情緒激動。事件引起網民討論，過往涉事外賣員亦曾因行「長命樓梯」送餐而發晦氣，懷疑將外賣掟向大門。

女保安毛巾「揈打」外賣員

該後約長1分多鐘影片在多個社交平台流傳，地點疑為翠屏邨公屋。從影片開首可見，女保安拿着一條毛巾衝向外賣員，並用毛巾「揈」着拍打外賣員。當下，外賣員爆粗大呼，「我X你老母呀，唔X畀影你」，女保安喝斥「登記！」。

之後，外賣員跟隨女保安到座頭位置，但女保安繼續揈毛巾，疑不滿被拍攝，外賣員又挑釁說，「關你X事呀，登記啦，你老母郁手郁腳，報警添呀，不過我唔會報警嘥時間」。

影片截圖：

女保安回座位後拿起手機反拍

原以為兩人會迅速完成登記程序，怎料女保安回到座位後拿起手機反拍，外賣員同時不停斥責女保安，又說：「你真係唔好彩呀，遇着我瘋狂外賣員」。至於女保安登記資料期間，外賣員轉鏡頭拍下放在座頭的女保安名牌，女保安立即拿走收起，最後外賣員回應一句，「唉，唔X影你啦，夠啦拜拜」。

網民正反熱議

影片引來網民熱議，有網民認為是外賣員「先撩者賤」，亦有人指女保安疑歧視外賣員，引起眾人討論，「佢做咩無啦啦打人」、「外賣仔咁鬼串，都唔會好得去邊」、「佢係用毛巾fing外賣仔」、「俾人影緊，想遮鏡頭?」、「個外賣仔係翠屏邨出哂名 。偷其他車手外賣」、「記得有一次上司要我地去洗樓，之後被一個中年保安佬捉到，仲講哂粗口鬧我，我話大家都係打份工姐⋯ 唔使咁呀？ 佢話：我唔同你呀！我高尚過你好多！」、「其實好明顯外賣搞事」、「個阿姐幾廿歲冇講過粗口，橫睇點睇都是你恰人」、「襲擊 報警 拉得」、「真係唔明白嗰啲所謂看更保安，成日都睇唔起啲送外賣的人，人哋搵錢多過你啦又唔係偷又唔係搶，禮貌啲對人唔得嘅咩」、「投訴佢唔使撈」、「師兄算有料，我上次送又係呢個保安員，串過XX當我X四」、「保安阿姐輸晒，由襲擊到侵犯個人私隱，警察唔檢控，條片都足以令佢冇得撈」、「冇前文後理 淨係睇態度嘅話 唔信呢啲咁嘅態度嘅外賣員」、「依個阿姐，當左自己係師姐，你係座頭咋」、「唔係／唔想歧視，但香港啲低學歷無見識井底保安真係特別癲」、「外賣哥哥仔串唔串一件事，門口狗打人一定唔啱」、「有啲保安淨係諗住是是但但求求其其又一日」、「枉我哋年年新年都俾利是佢」、「肯定係挑機啦，只係唔知佢點挑啫」、「雖然條外賣仔係痴痴地，但係今次佢岩喎，負責登記既係保安職責範圍」。

相關新聞：

有片｜元朗中年漢爆粗大鬧台式飲品店 疑要膠袋不肯加$1 職員態度獲讚

有片｜外賣員疑倒瀉飲料重新包裝倒杯中 飯盒隨便放地下極嘔心

有片｜港媽化身步兵推BB車送外賣 一邊湊仔兼幫補家計獲網友大讚

港老婦自食其力電話接單送外賣做步兵 行家分享婆婆入行原因